Thursday, April 23, 2009

يا خي خللك رومانسي وياها



خللك رومانسي وياها ....

شلوون .. !؟ أنا إلي بفهمك ...

شووف أول شي تعود أنك بين فترة وفترة ييبلها هدية..

إذا ما عرفت شتييب .. أقل شي ييب ورد ...

طبعاا الورد أنا بنسبة لي قصة ...

حبيبتي أول ما عرفتها... كانت واايد خايفة..

من شنو تخيلوا تعور قلبي ..

اتخاف إني اجرحها ..

اتخااف أني أخونها مثلا ..

كلا تقولي ما عندي مانع إذا ما تبيني قولها أشكره ...

لا تجرحني..

تدرون شسويتلها ...

أول شي نقيت فازة فخااار ..

والورد نقيته كله زهور متفتحة .. مثل عباد الشمس..

معناته شنو يا جماعة ...

الفخار هش وبسرعة يتكسر .. بس يقعد ألف سنة ..

يعني إذا اعتنينه بحبنا رااح يطول وممكن يستمر ..

والورد المتفتح معناته .. الحياة حلوة ..

وغير الورد .. سولها مفاجئات مثل...

سو لها عشا رومانسي ...

اصدمها بسفره...

حتى لو تروح البحرين وياها تسكنون اب شاليه بريفت...

بعد ما فييه أحلا من جذي...

وهم تجديد زواج على قولتي أنا ...

طبعا ملاحظين كلامي كله حق الريال ..

أنا إلي اشوفه إنه الريال كلا مقصر من هالناحية ..

أما لبنية مسكينة .. إهي تسوي كل شي والريال ...

ياخذ كل شي ..

4 comments:

fatto said...

في بعض الرياييل رومانسيين وفي بعضهم جافين
والله يعين لبنيه الي اتحبلها واحد جاف .. انا ماقول صيرو 24 رومانسيين احسن الوحده اتمل .. صيرو وسط
انا من ناحيتي ماحب الواحد 24 ساعه يقولي كلام حب وغزل وهدايه على طول .. احب بين فتره والثانيه عشان هالشي يسيرله طعم :)
وشكرا عل البوست الجميل

بلا قيوود said...

أكييد والله عدل كلامج .. بس أنا نوعي ودي أسمع كلام حب وغزل 24 ساعة .. بس طبعا أكييد كل شي بوقته أحلا ...
وكل شي بحدوود ...
العفوو .. ترى هابوست تقدرين اتقولين رااد علييج .. والله يوفقنا جمييع إن شاء الله

بلا قيوود said...

بعديين شلوون تفهمينها يجدد ياخذ عليها ... والله هالريال منكر جسنة ومايسحتي على ويهه ...
زوجته المفروض اتكون شريكة حياته .. لو بس يستوعب هالكلمة مرته بخيير

fatto said...

مادري ليش جذي فهمتها :) ماعليه في بعض الحيان مخي يقفل :)